Restat succincte de blasfemia pertractandum. Est autem blasfemia insipiens detraccio honoris domini. Et dicitur a blas (quod est insipiens) et femina, que quasi rane blaterant, communiter nimis stulte.

Committitur autem blasfemia tribus modis. Primo modo, quando deo attribuitur quod sibi non convenit; ut ponendo quod deus nimis severe puniat, vel quod sit iniquitas aput deum. Secundo modo, cum removetur a deo quod sibi convenit; ut legitur de Rapsace 4to Reg. 18 et 19. Et tercio modo, quando pure creature attribuitur quod deo proprium est. Et ad istum. sensum Judei sepe inposuerunt Cristo blasfemiam, ut patet Matth. 9, 16 et Joh. 10. Et isto modo Herodes, Act. 12 legitur blasfemasse; et principes populi sunt proni incidere in istam blasfemiam.

Et patet scrutanti intime quod, sicut simonia et apostasia consecuntur ad quodcunque mortale, sic et blasfemia, que convertibilis est cum illis. Nam, eo ipso quo quis peccat mortaliter, wult vitam istam esse bonam, et per consequens non reprobatam, sed approbatam a deo: quod est manifesta blasfemia. Wult enim implicite attribuere deo auctorisacionem peccati, quod propter